Novel Sasalad karya Dadan Sutisna (Ulikan Struktural jeung Antropologi Sastra)

• Main Author: Pramoni Binargian, - (Author)
• Format: Book
• Published: 2021-06-02.
• Subjects: Thesis; NonPeerReviewed
• Online Access: Link Metadata

Summary

Ieu panalungtikan medar ngeunaan ulikan strukturalisme jeung unsur antropologi sastra dina novel Sasalad karya Dadan Sutisna. Tujuan ieu panalungtikan téh pikeun ngadéskripsikeun (1) téma, (2) fakta carita, (3) sarana sastra, (4) unsur antropologi sastra, anu nyampak dina novel Sasalad karya Dadan Sutisna. Metode anu digunakeun dina ieu panalungtikan nyaéta déskriptif kualitatif kalayan ngagunakeun pamarekan struktural jeung unsur antropologi sastra. Téhnik anu digunakeun nyaéta téhnik studi pustaka. Hasilna: (1) téma dina ieu novel Sasalad téh roman jeung horor atawa anu patalina jeung hal mistis anu pagaliwota dina kahirupan manusa jaman nu dicaritakeun dina éta novel, (2) fakta carita nu nyampak dina novel Sasalad ngawengku galur, palaku, jeung latar; galur dina ieu novel diwangun ku sababaraha kajadian anu kabagi jadi 12 épisode, kalayan unggal bagianna ngawangun carita anu ajeg tur sinambung; palaku anu kapanggih dina ieu novel aya 67 palaku, kalayan tokoh utamana Sutaya; latar anu kapaluruh dina ieu novel ngawengku 75 latar tempat, 63 latar waktu, jeung 11 latar sosial, (3) sarana sastra nu nyampak dina novel Sasalad ngawengku judul, puseur implengan, jeung gaya basa; judul novel Sasalad ngagambarkeun eusi caritana; puseur implengan pangarang ngagunakeun caturan métode carita kuring (Ich-Erzahlung) atawa jalma kahiji palaku utama; gaya basa anu digunakeun ku pangarang nyaéta ngaupamakeun, lalandian, mijalma, rautan, ngasor, rarahulan, kadalon, sindir, bodor, jeung raguman, pamungkas (4) unsur antropologi sastra anu nyampak dina novel Sasalad ngawengku mangsa heubeul, kaarifan lokal, folklor (tradisi lisan, tradisi satengah lisan, jeung tradisi non lisan), sarta mitos. Ieu novel nyampakkeun struktur anu lengkep jeung detail. Kitu deui dina unsur antropologina nyadiakeun pasualan-pasualan kamanusaan dina kahirupan masarakat Sunda. Kecap galeuh: antropologi sastra, karya sastra, novel, struktural

Item Description

http://repository.upi.edu/61005/1/S_BD_1700880_Title.pdf
http://repository.upi.edu/61005/2/S_BD_1700880_Chapter1.pdf
http://repository.upi.edu/61005/3/S_BD_1700880_Chapter2.pdf
http://repository.upi.edu/61005/4/S_BD_1700880_Chapter3.pdf
http://repository.upi.edu/61005/5/S_BD_1700880_Chapter4.pdf
http://repository.upi.edu/61005/6/S_BD_1700880_Chapter5.pdf
http://repository.upi.edu/61005/7/S_DB_1700880_Appendix.pdf